ORIO ORIALKI

Historia

Klubaren babesleak
  • Orioko Udala
  • ORIALKI
  • AVK
  • Grupo Sagardi
  • Transportes Indo
  • ZIPRI
  • ZU-K
  • Urbil
  • Novadiet
  • Katxiña Excavaciones
  • Inmobiliaria Orio
  • FORD Easo Motor
  • Gipuzkoako Foru Aldundia
  • Iparlur
  • Mediolanum
  • Mendizabal
  • Mahala
  • Quiron

Orioko traineruak 1879an parte hartu zuen, aurreneko aldiz, estropada ofizial batean, edo hori da behintzat daukagun lehenbiziko aipamen idatzia. Donostiako estropadetan izan zen, Kontxako banderan. 1901ean irabazi zuen Kontxako bandera lehenengo aldiz. 1879tik 1932ra «Orio» izenarekin lehiatzen zen trainerua. 1933 eta 1964 artean, berriz, «Emen-Gatoxtik-Orio» izena hartu zuen, eta 1965eko ekainean, Arraunketa Elkartea sortu zenean, elkartearen izena hartu zuen: «CRO Orio AE».

Kontuan hartuta, gaur egun, lehiaketako arrauna bai gizonek eta bai emakumeek egiten dutela, ezinezkoa da ontzi-mota guztien berri ematea paragrafo labur hauetan eta, beraz, beste kategoriei inolako meriturik kendu gabe, traineruen garaipenak aipatuko ditugu hemen. 2020ra arte Oriok lortutako 854 garaipenetatik (729 + 125), 427 (370 + 57) traineruaren garaipenak dira. Horien artean nabarmentzekoak dira Kontxako 34 banderak (32 + 2) eta gaur egungo Ligatan lortutako 3 garaipenak (1 + 2).

TKE ligari dagokionez, Orioko trainerua beti ibii da onenen artean eta 2019an irabazi egin zuen. TKEn lortutako datuak nabarmentzeko modukoak dira: 17 ediziotan parte hartu du eta 47 garaipen lortu ditu. Sailkapenen segida historikoari erreparatzen badiogu, datu hauek azpimarratuko genituzke: behin irabazi zuen (2019an) eta hiru aldiz egin zuen bigarren (2007, 2010 eta 2014an). Esan behar da 2011n zilarrezko kategoriara jaitsi zela trainerua, baina 2012an, estropada guztiak irabazi eta gero, berriro igo zen kategoria nagusira eta hor egon da harrezkero, beti goiko postuetan. Iaz, esaterako, 2 garaipen lortu zituen eta laugarren bukatu zuen Eusko Label-Corona Caixabank Ligan.

2021ean aldaketa dezente dago taldean. Bizi dugun osasun-egoerak eta zailtasun ekonomikoek zaildu egin dute arraunlarien prestaketa-lana, baina, hala ere, Orioko mirotzek gogoz eta ilusioz ekingo diote 2021eko denboraldiari, onenekin lehiatzeko eta goiko postuetan ibiltzeko asmoz.